اللہ تعالیٰ کے بے پناہ احسانات ہیں کہ ’’المصطفی ٹرسٹ‘‘ حضرت ڈاکٹر غلام مصطفی خان صاحب رحمۃ اللہ علیہ کی فیض رسانی اور روحانی توجہات اور ہمارے سرپرست اعلی حضرت ڈاکٹر حافظ منیر احمد خان صاحب دامت برکاتہم کی ہدایتوں اور رہنمائیوں، نیز تمام مریدوں اور عقیدت مندوں کے مخلصانہ تعاون سے برابر ترقی کی راہ پر گامزن ہے۔ اور الحمد للہ مندرجہ ذیل منصوبوں کو پایہ تکمیل تک پہنچا چکا ہے۔

جس میں مزار شریف کی تعمیر و تزئین و آرائش جہاں حضرت ڈاکٹر غلام مصطفی خان رحمۃ اللہ علیہ اور ان کے ساتھ ان کے دو صاحبزادے اور حضرت ابوقاسم رحمۃ اللہ علیہ آرام فرما ہیں۔ اس کے علاوہ جامعہ مجددیہ کا باقاعدہ افتتاح، سراج ماڈل اسکول، ڈاکٹر غلام مصطفی خان لائبریری کا قیام، زوّاریہ آڈیٹوریم کا قیام، مسجد غفوریہ کا قیام اور ساتھ ساتھ ایک کشادہ وضو خانہ، خواتین کے لیے نماز کی جگہ اور ساتھ وضو خانہ، ٹرسٹ کی آرائش، زیبائش کے لیے کیاریوں کی تعمیرات اور ان کو پھولوں اور پودوں سے مزین کرنا، کھجور، انجیر اور زیتون سے مزید آراستہ کرنا شامل ہے۔

نئے منصوبوں میں بھی ابھی کام ہونا باقی ہے۔ جیسے ڈاکٹر غلام مصطفی خان لائبریری کے لیے ایک علیحدہ عمارت بنانا، اسی طرح جامعہ مجددیہ جو کہ اس وقت مسجد کے صحن میں قائم ہے اس کے لیے بھی ایک علیحدہ عمارت کا قیام، سراج ماڈل اسکول کے طلبہ و طالبات میں اضافے کے باعث اس کی بھی مزید توسیع، جامعہ مجددیہ کے طلبہ و طالبات کے لیے ہوسٹل کا قیام، ایک بڑی پانی کی ٹینکی جو پورے المصطفی ٹرسٹ کے لیے کافی و شافی ہو، نیا جنریٹر وغیرہ جیسے کام ہونے باقی ہیں۔

المصطفی ٹرسٹ فی سبیل اللہ چلنے والا ادارہ ہے۔ اس کا کوئی مستقل آمدن نہیں ہے۔ یہاں ۳۰ سے زائد عملہ مستقل بنیادوں پر اپنے فرائض انجام دے رہا ہے۔ ان کی تنخواہوں کے اخراجات اور یوٹیلٹی بلز وغیرہ المصطفی ٹرسٹ کے ذمہ ہیں۔ یہ اخراجات آپ سب مخیر حضرات کے تعاون سے الحمدللہ جاری ہیں۔

اللہ تعالیٰ سے یہی دعا ہے کہ ہم سب کی خدمات کو درجہ قبولیت عطا فرمائیں اور ہمارے حضرت ڈاکٹر غلام مصطفی خان رحمۃ اللہ علیہ کے لگائے اس گلشن کو تا قیامت ترقی کی راہ پر گامزن رکھے، آمین ثم آمین۔